Aħjar minn Indulġenza Plenarja
Matul din is-sena tal-Ġublew, il-Knisja Kattolika qed toffri indulġenza plenarja lil dawk li jżuru ċerti knejjes u jwettqu kundizzjonijiet speċifiċi. Filwaqt li din it-tradizzjoni għandha sinifikat għal xi wħud, ħafna Kattoliċi oħrajn ma jifhmux sew x’inhi indulġenza plenarja. Jekk inti wieħed minnhom, agħmel il-qalb —inti wkoll tista’ tirċievi l-imħabba u l-grazzja t’Alla.
Għeżież ħbieb, dirgħajh Alla huma dejjem miftuħa beraħ biex iħaddan lil kull min idur lejh, f’kull ħin, mhux biss f’okkażjonijiet speċjali. Jekk tħossok mgħobbi bit-toqol ta’ dnubietek, kun af li llum huwa l-jum tal-grazzja għalik.
L-Iskrittura tgħarrafna triq sabiħa u ċara għar-rikonċiljazzjoni ma’ Alla: permezz tal-indiema u l-fidi fi Kristu. Dawn huma l-uniċi passi meħtieġa biex tirċievi l-maħfra tiegħu. L-ebda tradizzjoni umana ma tista’ żżid mas-sempliċità u l-qawwa tal-istedina tiegħu.
Importanti nżommu f’moħħna li l-maħfra li joffri Alla tiġi biss permezz ta’ Kristu. Is-sagrifiċċju tiegħu huwa biżżejjed, u d-demm mxerred fuq is-salib huwa s-sors aħħari tal-fidwa tagħna. Anke Marija u l-qaddisin, li aħna nammiraw u nirrispettawhom, huma salvati bil-merti tas-sagrifiċċju ta’ Ġesù. L-istess demm ta’ Ġesù jista’ jnaddaf lilna wkoll.
Jekk tixtieq il-maħfra sħiħa u relazzjoni ta’ ħbiberija m'Alla, m'għandekx bżonn tgħaddi minn xi bieb fiżiku. Minflok, Ġesù jistiednek tiġi lejh, bħalma jwiegħdek fi Ġwanni 10:9, “Jien il-bieb; jekk xi ħadd jidħol permezz tiegħi, isalva.” Afda fih, u Ġesù jagħtik il-paċi, il-maħfra, u ħajja ġdida.
