L-appostlu li ġie pajjiżna

-

L-antenati tagħna kellhom il-grazzja jisimgħu l-evanġelju minn fomm l-appostlu Pawlu. Aħna wkoll, elfejn sena wara, nistgħu ‘nisimgħuh’ mill-epistoli tiegħu fit-Testment il-Ġdid. Anzi, biex inkunu aktar personali, x'ikun il-messaġġ tal-Appostlu Pawlu għalik?

1. Jekk temmen li kulħadd jista’ jsalva hi x’inhi r-reliġjon li jħaddan ...

Pawlu jwissik li mingħajr Ġesù Kristu m’hemmx tama ta’ salvazzjoni. Ġesù huwa l-uniku medjatur bejn Alla u l-bniedem. Għalhekk, bħalma għamel fi żmienu, l-appostlu Pawlu jsejjaħ lil kulħadd, hi x'inhi r-reliġjon tiegħu, biex idur mill-frugħat u jemmen fil-Mulej Ġesù.

2. Jekk taħseb li se ssalva għax inti bniedem ġust u li tista’ tpatti għal dnubietek b’xi penitenzi jew għaliex tagħmel ħafna għemejjel tajba ...

Pawlu jgħidlek li ħadd mhu ġust, le, lanqas inti. Is-salvazzjoni hi grazzja mogħtija b’xejn, mhux bi ħlas għal għemilek. L-unika tpattija għad-dnub huwa d-demm ta’ Kristu. Għal darb' oħra, Pawlu jsejjaħlek biex tafda s-salvazzjoni ta' ruħek fi Kristu.

3. Jekk tgħid li temmen fi Kristu imma ħajtek hi ddominata mid-dnub, bħaż-żena, serq, gideb, sakra, u kilba għal flus ...

Pawlu jwissik li qed tqarraq bik innifsek u li bl-ebda mod m'inti se tidħol fis-Saltna t’Alla. Dawk li verament jemmnu fi Kristu jwarrbu mill-ħażen u jgħixu ħajja qaddisa.

4. Jekk taħseb li għax inti dixxiplu ta’ Kristu tippretendi li ħajtek tkun ward u żahar ...

Pawlu jfakkrek li b’ħafna taħbit jeħtieġ tidħol fis-saltna t'Alla. Hu nnifsu jagħti xhieda ta' kemm bata għall-isem ta' Kristu. F'din il-ħajja ikollok it-tbatija għal ftit żmien, il-glorja tiġi wara u ma tintemm qatt.

Popular posts from this blog

Mewta tajba

-
Image
Bħalissa għaddejja diskussjoni dwar l-ewtanasja—li wieħed volontarjament jitlob l-għajnuna biex joqtol lilu nnifsu sabiex jeħles mit-tbatija. Jinġiebu żewġ raġunijiet ewlenin favur l-ewtanasja: (1) l-awtonomija ta’ kull individwu (jiġifieri li persuna għandu l-jedd li jiddetermina hu x’jagħmel b’ħajtu); u (2) li f’ċertu ċirkostanzi, il-qtil huwa att ta’ ħniena mal-marid għax iserrħu mit-tbatija. X’tgħallimna l-Iskrittura fuq dan is-suġġett? Il-ħniena nuruha l-aħjar mal-marid mhux billi noqtluh, imma billi nikkurawh u nkunu viċin tiegħu sal-aħħar. Mhux biss. Bis-salib, Ġesù wriena l-ogħla forma ta’ ħniena—mhux il-qerda tal-ħajja imma l-fidwa tagħha. Bin Alla, sar wieħed bħalna, u daħal fl-esperjenza tat-tbatija u s-sofferenza umana, anke sal-mewt. Niftakru li l-evanġelju ma jispiċċax b’salib mdemmi, imma b’qabar vojt. Ġesù rebaħ fuq il-mewt! Bis-saħħa tiegħu, aħna li nemmnu fih ksibna wkoll it-tama li s-sofferenzi temporanji tagħna għad jagħtu wisgħa għall-ħajja eterna. Din hi l-vera ħn...
Read more

L-aħħar 24 siegħa ta' ħajti

-
Image
Staqsejt fuq facebook din il-mistoqsija, ‘Kieku tkun taf li fadallek biss 24 siegħa ħajja, x'tagħmel?’ Predominanti fost it-tweġibiet kienet l-imħabba lejn il-familja, speċjalment lejn it-tfal. Dan is-sentiment qawwi deher fi kliem bħal, 'inqatta' kull sekonda mat-tfal tiegħi sal-aħħar nifs' ...'infakkarhom kemm inħobbhom' ... ‘ngħannaqhom miegħi sal-aħħar’. M’għandix dubju li l-isbaħ rigal t’Alla f’din il-ħajja hi l-imħabba tal-familja. Għalkemm ma nafux meta, nafu li xi darba se nitilqu mid-dinja. Bid-dmugħ f’għajnejna jkollna nsellmulhom għall-aħħar darba u nħalluhom. Illum iċ-ċans tagħna li nuru mħabbitna lill-għeżież tagħna. Imma lanqas l-familja ma tista’ tagħtina tama li tmur 'l hemm mill-qabar. Xi wħud wieġbu, forsi b’umoriżmu, li jindafru jieklu ġelati, donuts, ċikkulata u jixorbu l-inbid u l-whisky. Kultant niċċajtaw għax inħossuna skomdi nitkellmu bis-serjetà dwar il-brevità ta’ ħajjitna u dak li hemm jistenniena wara. Oħrajn li tkellmu dwar...
Read more

L-Indulġenzi

-
Image
Il-bejgħ tal-indulġenzi qanqal lill-patri Agostinjan, Martinu Luteru, sabiex fit-31 ta’ Ottubru 1517, iwaħħal mal-bieb tal-knisja f’Wittenberg id-dokument imsejjaħ Il-95 Teżi. Ma felaħx jara lil niesu jkunu misruqa minn ġidhom u mqarrqin b’tama falza ta’ salvazzjoni. Kien il-bidu tar-Riforma Protestanta. Għad hemm bżonnha din il-protesta? Il-knisja Kattolika biddlet id-dottrina tagħha? Jiddsipjaċini ngħid li le; il-Knisja Kattolika għadha tgħallem illum bħalma kienet tgħallem fis-seklu sittax li l-bniedem jikseb il-maħfra ta’ dnubietu permezz ta’ Kristu u permezz tal-mertu tal-opri tajba tiegħu u bil-merti tal-qaddisin. L-Iskrittura tgħallem mod ieħor. L-Insara huma "salvati bil-grazzja permezz tal-fidi, u dan mhux minnkom infuskom, mhux mill-opri biex ħadd ma jiftaħar... mhux bl-opri tajba li konna għamilna, iżda skont il-ħniena tiegħu salvana’ (Efesin 2:8,9; Titu 3:5). Il-bniedem la jsalva lilu nnifsu bl-opri, wisq anqas jibqagħlu xi mertu "extra" biex isalva lil ħad...
Read more