2. Illum tkun il-Ġenna Miegħi

-


Is-Seba' Kelmiet minn fuq is-Salib: It-Tieni Kelma

Mbagħad (wieħed mill-ħatjin) qal: ‘Ġesù, ftakar fija meta tidħol fis-Saltna tiegħek.’ U Ġesù wieġbu: ‘Tassew ngħidlek, illum tkun fil-Ġenna miegħi’ (Luqa 23:42-43).

Għall-bidu ż-żewġ ħallelin mislubin ħdejn Ġesù kienu qed jinsultawh. Għadda l-ħin u l-qalb ta’ wieħed minnhom inbidlet. Ċanfar lil sieħbu, ammetta li hu kien ħati u jistħoqqlu l-kastig, u stqarr li Ġesù ma kien għamel xejn ħażin. Sema’ l-Lhud jgħidu biż-żufjett li hu l-Iben t’Alla, u forsi qara l-iskrizzjoni fuq rasu, ‘Sultan tal-Lhud,’ u emmen! Emmen li lanqas il-mewt ma kellha setgħa fuqu u li Ġesù għad isaltan. Talbu jiftakar fih meta jiġi fis-saltna tiegħu! Ġesù wieġbu b’wegħda li dakinhar stess ikun il-Ġenna miegħu. Minkejja d-dnubiet kotrana tiegħu, minkejja n-nuqqas ta’ mertu, dak ir-raġel illum qed igawdi lil Ġesù fis-sema. Dan huwa l-mezz, l-unika mezz, biex insalvaw. Aħna wkoll jeħtieġ nagħrfu dnubietna u nindmu minnhom; jeħtieġ nafdaw ruħna fil-ħniena tas-Sultan Ġesù. Il-wegħda tiegħu tgħodd għalina wkoll.

Mulej Ġesù, fil-tjieba tiegħek inti ssalva l-bniedem li jdur lejk imqar fl-aħħar siegħa ta’ ħajtu. Mulej, ftakar fija wkoll. Sakemm nibqa’ fuq l-art irrid ngħix f’ubbidjenza lejk, bi gratitudni għall-ħniena tiegħek lejja. Jien nemmen il-wegħda tiegħek u konvint li dakinhar li nħalli din id-dinja inti tilqagħni miegħek fil-glorja. Ammen.

Popular posts from this blog

Mewta tajba

-
Image
Bħalissa għaddejja diskussjoni dwar l-ewtanasja—li wieħed volontarjament jitlob l-għajnuna biex joqtol lilu nnifsu sabiex jeħles mit-tbatija. Jinġiebu żewġ raġunijiet ewlenin favur l-ewtanasja: (1) l-awtonomija ta’ kull individwu (jiġifieri li persuna għandu l-jedd li jiddetermina hu x’jagħmel b’ħajtu); u (2) li f’ċertu ċirkostanzi, il-qtil huwa att ta’ ħniena mal-marid għax iserrħu mit-tbatija. X’tgħallimna l-Iskrittura fuq dan is-suġġett? Il-ħniena nuruha l-aħjar mal-marid mhux billi noqtluh, imma billi nikkurawh u nkunu viċin tiegħu sal-aħħar. Mhux biss. Bis-salib, Ġesù wriena l-ogħla forma ta’ ħniena—mhux il-qerda tal-ħajja imma l-fidwa tagħha. Bin Alla, sar wieħed bħalna, u daħal fl-esperjenza tat-tbatija u s-sofferenza umana, anke sal-mewt. Niftakru li l-evanġelju ma jispiċċax b’salib mdemmi, imma b’qabar vojt. Ġesù rebaħ fuq il-mewt! Bis-saħħa tiegħu, aħna li nemmnu fih ksibna wkoll it-tama li s-sofferenzi temporanji tagħna għad jagħtu wisgħa għall-ħajja eterna. Din hi l-vera ħn...
Read more

Grazzi!

-
Image
L-Iskrittura tgħidilna, "Irringrazzjaw f’kull ċirkostanza; għax din hi r-rieda t’Alla fi Kristu Ġesù għalikom" (1 Tessalonkin 5:18). Kemm hi sabiħa l-gratitudni! Li tkun taf tgħid grazzi! Mhux bil-fomm biss, imma minn qalbek ukoll. L-ewwelnett tirrikonoxxi x-xita ta’ barkiet li Alla jsawwab fuqek kuljum. Dan biss diġà jnissel fik il-ferħ. Mhux biss, trid tkun umli biex tapprezza l-għotjiet tas-sema. Għax il-kburi jaħseb li hu intitolat; allura ma jirringrazzja lil ħadd. Imma l-umli jaf li ma jistħoqqlu xejn, u allura jilqa’ l-għotjiet minn idejn Alla b’radd il-ħajr. Anzi jifraħ fuq li jifraħ għax fl-għotjiet jara xhieda tal-imħabba u l-għożża ta’ Missieru. L-Iskrittura tgħidilna biex nirringrazzjaw “f’kull ċirkostanza”. Din iebsa doppjament. Fil-bnazzi għandna ħabta nieħdu kollox for granted. Nidrawh il-ġid. Ngħidu aħna, ftit li xejn napprezzaw is-saħħa fiżika sakemm ma nimirdux u nispiċċaw f’qiegħ ta’ sodda. Mill-banda l-oħra, meta jkun il-maltemp faċilment ingergru, nirrabb...
Read more

L-Indulġenzi

-
Image
Il-bejgħ tal-indulġenzi qanqal lill-patri Agostinjan, Martinu Luteru, sabiex fit-31 ta’ Ottubru 1517, iwaħħal mal-bieb tal-knisja f’Wittenberg id-dokument imsejjaħ Il-95 Teżi. Ma felaħx jara lil niesu jkunu misruqa minn ġidhom u mqarrqin b’tama falza ta’ salvazzjoni. Kien il-bidu tar-Riforma Protestanta. Għad hemm bżonnha din il-protesta? Il-knisja Kattolika biddlet id-dottrina tagħha? Jiddsipjaċini ngħid li le; il-Knisja Kattolika għadha tgħallem illum bħalma kienet tgħallem fis-seklu sittax li l-bniedem jikseb il-maħfra ta’ dnubietu permezz ta’ Kristu u permezz tal-mertu tal-opri tajba tiegħu u bil-merti tal-qaddisin. L-Iskrittura tgħallem mod ieħor. L-Insara huma "salvati bil-grazzja permezz tal-fidi, u dan mhux minnkom infuskom, mhux mill-opri biex ħadd ma jiftaħar... mhux bl-opri tajba li konna għamilna, iżda skont il-ħniena tiegħu salvana’ (Efesin 2:8,9; Titu 3:5). Il-bniedem la jsalva lilu nnifsu bl-opri, wisq anqas jibqagħlu xi mertu "extra" biex isalva lil ħad...
Read more