3. Mara, hawn hu Ibnek

-


Is-Seba' Kelmiet minn fuq is-Salib: It-Tielet Kelma

Kien hemm wieqfa ħdejn is-salib ta’ Ġesù ommu, oħt ommu, Marija ta’ Kleofa, u Marija ta’ Magdala. Mela kif Ġesù lemaħ lil ommu u lid-dixxiplu li kien iħobb wieqaf ħdejha, qal lil ommu: ‘Mara, hawn hu ibnek.’ Mbagħad qal lid-dixxiplu: ‘Hawn hi ommok.’ U minn dak il-ħin id-dixxiplu ħadha għandu (Ġwanni 19:25-27).

Min jaf kemm sofrew il-ħbieb ta’ Ġesù jarawh f’agunija, imma l-aktar fosthom Marija, il-mara li ġabitu fid-dinja u rabbietu. Ħadd ma kien jaf lil Ġesù bħalma kienet tafu hi, kemm kien ħanin, ġust u twajjeb. Kienet hemm ħdejn is-salib, tara lil binha miċħud, redikolat u batut, b’ruħha minfuda b’sejf, kif kien ħabbar ħafna snin qabel Xmun meta ħa f’idejh it-tarbija Ġesù. Is-Salvatur tagħna lemaħ lil ommu, u minkejja t-tbatija li kien għaddej minna hu, ftakar fiha. Ried li ommu jkollha min jieħu ħsiebha wara t-tluq tiegħu. ‘Mara, hawn hu ibnek,’ qalilha, fi kliem ieħor, se nħallik f’idejn id-dixxipli li nħobb, se jkun għalik iben sabiex jieħu ħsiebek; u lil Ġwanni qallu, ‘Hawn hi ommok,’ jiġifieri, ħu ħsiebha bħallikieku kienet ommok. Hekk għamel; dakinhar ħadha għandu.

Missier, għallimna mill-eżempju li tana Ġesù fl-ubbidjenza għall-kmandament biex inweġġħu lill-ġenituri tagħna. Għalkemm kien f’agunija waqt li kien qed iġorr fuqu d-dnubiet tagħna, Ġesù ħaseb għal ommu. Lil dawk minna li għandhom ġenituri ħajjin, agħtina, Missier, li nieħdu ħsiebhom b’għożża u bil-qalb, u nqisu din il-ħidma bħala parti mill-qima tagħna lejk, kif tassew hi.

Popular posts from this blog

Mewta tajba

-
Image
Bħalissa għaddejja diskussjoni dwar l-ewtanasja—li wieħed volontarjament jitlob l-għajnuna biex joqtol lilu nnifsu sabiex jeħles mit-tbatija. Jinġiebu żewġ raġunijiet ewlenin favur l-ewtanasja: (1) l-awtonomija ta’ kull individwu (jiġifieri li persuna għandu l-jedd li jiddetermina hu x’jagħmel b’ħajtu); u (2) li f’ċertu ċirkostanzi, il-qtil huwa att ta’ ħniena mal-marid għax iserrħu mit-tbatija. X’tgħallimna l-Iskrittura fuq dan is-suġġett? Il-ħniena nuruha l-aħjar mal-marid mhux billi noqtluh, imma billi nikkurawh u nkunu viċin tiegħu sal-aħħar. Mhux biss. Bis-salib, Ġesù wriena l-ogħla forma ta’ ħniena—mhux il-qerda tal-ħajja imma l-fidwa tagħha. Bin Alla, sar wieħed bħalna, u daħal fl-esperjenza tat-tbatija u s-sofferenza umana, anke sal-mewt. Niftakru li l-evanġelju ma jispiċċax b’salib mdemmi, imma b’qabar vojt. Ġesù rebaħ fuq il-mewt! Bis-saħħa tiegħu, aħna li nemmnu fih ksibna wkoll it-tama li s-sofferenzi temporanji tagħna għad jagħtu wisgħa għall-ħajja eterna. Din hi l-vera ħn...
Read more

L-aħħar 24 siegħa ta' ħajti

-
Image
Staqsejt fuq facebook din il-mistoqsija, ‘Kieku tkun taf li fadallek biss 24 siegħa ħajja, x'tagħmel?’ Predominanti fost it-tweġibiet kienet l-imħabba lejn il-familja, speċjalment lejn it-tfal. Dan is-sentiment qawwi deher fi kliem bħal, 'inqatta' kull sekonda mat-tfal tiegħi sal-aħħar nifs' ...'infakkarhom kemm inħobbhom' ... ‘ngħannaqhom miegħi sal-aħħar’. M’għandix dubju li l-isbaħ rigal t’Alla f’din il-ħajja hi l-imħabba tal-familja. Għalkemm ma nafux meta, nafu li xi darba se nitilqu mid-dinja. Bid-dmugħ f’għajnejna jkollna nsellmulhom għall-aħħar darba u nħalluhom. Illum iċ-ċans tagħna li nuru mħabbitna lill-għeżież tagħna. Imma lanqas l-familja ma tista’ tagħtina tama li tmur 'l hemm mill-qabar. Xi wħud wieġbu, forsi b’umoriżmu, li jindafru jieklu ġelati, donuts, ċikkulata u jixorbu l-inbid u l-whisky. Kultant niċċajtaw għax inħossuna skomdi nitkellmu bis-serjetà dwar il-brevità ta’ ħajjitna u dak li hemm jistenniena wara. Oħrajn li tkellmu dwar...
Read more

L-Indulġenzi

-
Image
Il-bejgħ tal-indulġenzi qanqal lill-patri Agostinjan, Martinu Luteru, sabiex fit-31 ta’ Ottubru 1517, iwaħħal mal-bieb tal-knisja f’Wittenberg id-dokument imsejjaħ Il-95 Teżi. Ma felaħx jara lil niesu jkunu misruqa minn ġidhom u mqarrqin b’tama falza ta’ salvazzjoni. Kien il-bidu tar-Riforma Protestanta. Għad hemm bżonnha din il-protesta? Il-knisja Kattolika biddlet id-dottrina tagħha? Jiddsipjaċini ngħid li le; il-Knisja Kattolika għadha tgħallem illum bħalma kienet tgħallem fis-seklu sittax li l-bniedem jikseb il-maħfra ta’ dnubietu permezz ta’ Kristu u permezz tal-mertu tal-opri tajba tiegħu u bil-merti tal-qaddisin. L-Iskrittura tgħallem mod ieħor. L-Insara huma "salvati bil-grazzja permezz tal-fidi, u dan mhux minnkom infuskom, mhux mill-opri biex ħadd ma jiftaħar... mhux bl-opri tajba li konna għamilna, iżda skont il-ħniena tiegħu salvana’ (Efesin 2:8,9; Titu 3:5). Il-bniedem la jsalva lilu nnifsu bl-opri, wisq anqas jibqagħlu xi mertu "extra" biex isalva lil ħad...
Read more