e-Vanġelu

L-Iskrittura tgħidilna, "Irringrazzjaw f’kull ċirkostanza; għax din hi r-rieda t’Alla fi Kristu Ġesù għalikom" (1 Tessalonkin 5:18). Kemm hi sabiħa l-gratituni! Li tkun taf tgħid grazzi! Mhux bil-fomm biss, imma minn qalbek ukoll. L-ewwelnett tirrikonoxxi x-xita ta’ barkiet li Alla jsawwab fuqek kuljum. Dan biss diġà jnissel fik il-ferħ. Mhux biss, trid tkun umli biex tapprezza l-għotjiet tas-sema. Għax il-kburi jaħseb li hu intitolat; allura ma jirringrazzja lil ħadd. Imma l-umli jaf li ma jistħoqqlu xejn, u allura jilqa’ l-għotjiet minn idejn Alla b’radd il-ħajr. Anzi jifraħ fuq li jifraħ għax fl-għotjiet jara xhieda tal-imħabba u l-għożża ta’ Missieru. L-Iskrittura tgħidilna biex nirringrazzjaw “f’kull ċirkostanza”. Din iebsa doppjament. Fil-bnazzi għandna ħabta nieħdu kollox for granted. Nidraw il-ġid. Ngħidu aħna, ftit li xejn napprezzaw is-saħħa fiżika sakemm ma nimirdux u nispiċċaw f’qiegħ ta’ sodda. Mill-banda l-oħra, meta jkun il-maltemp faċilment ingergru, nirrabbja...

Jiena nemmen f’ Alla l-Missier —hekk nistqarru fil-Kredu tal-Appostli. Ġesù wissiena biex ma nsejħu lil ħadd Missier fuq l-art, għax wieħed hu Missierna, li qiegħed fis-smewwiet (Mattew 23:9). Ġesù indirrizzah bit-titlu uniku, “Missier qaddis” (Ġwanni 17:11; 17:25). Aħna l-Insara għandna l-privileġġ li nsejħulu wkoll, “Missierna li inti fis-smewwiet” (Mattew 6:9). Għaldaqstant mhux sewwa li l-kap tal-Knisja Kattolika jissejjaħ "il-Papa” (il-Missier) u saħansitra “Holy Father”. Fil-Kredu nistqarru wkoll il-fidi tagħna fil- Mulej Ġesù . L-Iskrittura tagħtih dawn it-titlu uniċi: Il-Medjatur bejn Alla u l-bniedem (1 Timotju 2:5). Ir-Ras tal-Knisja li kisibha b’demmu stess (Efesin 5:23). Ir-Ragħaj il-Kbir (1 Pietru 5:4). Għal darba oħra, l-Isqof ta’ Ruma huwa magħruf b'dawn it-titli kollha—jissejjaħ Supreme Pontiff (il-medjatur), ir-ras tal-knisja universali, u saħansitra  ir-ragħaj il-kbir tal-Knisja (Katekiżmu, 837, 857). Finalment, fil-Kredu nistqarru l-fidi tagħna fl- Ispirtu s...

L-aħħar darba li niltaqgħu ma’ Marija fir-rakkont storiku tal-Iskrittura huwa fil-bidu tal-ktieb tal-Atti tal-Appostli. Minn hemm ’il quddiem, il-Bibbja ma ssemmi xejn dwar il-ħajja ta’ Marija jew it-tmiem tagħha. Fl-Atti, Luqa jpinġi dan l-inkwatru sempliċi u fl-istess ħin tant sinifikanti. “Ilkoll qalb waħda kienu jitolbu flimkien ma' xi nisa u ma' Marija, omm Ġesù, u ma' ħutu” (Atti 1:14). Jgħidilna wkoll li  kienu qed jitolbu lill-Mulej (vers 24). Ġesù kien għadu kemm tela’ lura lejn is-sema. L-appostli kienu miġburin flimkien mal-ewwel dixxipli. Marija, omm Ġesù, kienet fosthom. L-Insara kienu għalenija jitolbu waqt li jistennew l-miġja tal-Ispirtu s-Santu.  X’nitgħallmu mit-talb ta’ Marija u tal-bqija tal-knisja? L-ewwelnett ninnotaw li l-Insara għandhom aċċess liberu għand il-Missier bis-saħħa tal-mewt, il-qawmien u l-medjazzjoni ta’ Kristu. “Permezz tiegħu (ta' Kristu) aħna t-tnejn (Lhud u Ġentili) għandna dħul bi Spirtu wieħed għand il-Missier” (Efesin 2:18)....

Bħalissa għaddejja diskussjoni dwar l-ewtanasja—li wieħed volontarjament jitlob l-għajnuna biex joqtol lilu nnifsu sabiex jeħles mit-tbatija. Jinġiebu żewġ raġunijiet ewlenin favur l-ewtanasja: (1) l-awtonomija ta’ kull individwu (jiġifieri li persuna għandu l-jedd li jiddetermina hu x’jagħmel b’ħajtu); u (2) li f’ċertu ċirkostanzi, il-qtil huwa att ta’ ħniena mal-marid għax iserrħu mit-tbatija. X’tgħallimna l-Iskrittura fuq dan is-suġġett? Il-ħniena nuruha l-aħjar mal-marid mhux billi noqtluh, imma billi nikkurawh u nkunu viċin tiegħu sal-aħħar. Mhux biss. Bis-salib, Ġesù wriena l-ogħla forma ta’ ħniena—mhux il-qerda tal-ħajja imma l-fidwa tagħha. Bin Alla, sar wieħed bħalna, u daħal fl-esperjenza tat-tbatija u s-sofferenza umana, anke sal-mewt. Niftakru li l-evanġelju ma jispiċċax b’salib mdemmi, imma b’qabar vojt. Ġesù rebaħ fuq il-mewt! Bis-saħħa tiegħu, aħna li nemmnu fih ksibna wkoll it-tama li s-sofferenzi temporanji tagħna għad jagħtu wisgħa għall-ħajja eterna. Din hi l-vera ħn...

Tlett ijiem kruċjali fl-istorja tad-dinja. Il-Ġimgħa, Kristu miet bi tpattija għad-dnubiet tal-poplu tiegħu. Is-Sibt, il-ġisem mejjet ta’ Kristu kien fil-qabar. Kmieni l-Ħadd filgħodu, il-Mulej Ġesù qam rebbieħ minn bejn l-imwiet. Fi tlett ijiem Kristu kiseb il-fidwa tal-poplu tiegħu. Din l-grajja hi l-Evanġelju, l-isbaħ aħbar li qatt ixxandret fid-dinja. Lil dawk li jafdaw fi Kristu, Alla jaħfrilhom u jħarishom matul ħajjithom biex fl-aħħar jilqagħhom fl-hena tal-Ġenna. F'dawk it-tlett ijiem id-dixxipli kellhom esperjenzi varji ... Il-Ġimgħa tfixklu u ħarbu. Is-Sibt tnikktu, beżgħu u staħbew. Il-Ħadd ferħu u taw qima lill-Mulej Ġesù. Matul l-pellegrinaġġ tagħna, se jkollna “Ġimgħat” u “Sibtijiet” ... imma llum l-Ħadd, Jum il-Qawmien, ejja nifirħu fih u nagħtu qima lill-Feddej tagħna, Sidna Ġesù. Kristu miet għal dnubietna skont l-Iskrittura ... kien midfun u reġa’ qam it-tielet jum skont l-Iskrittura (1 Korintin 15:3).

Ġesù, il-Medjatur tal-Patt il-Ġdid, kisbilna privileġġ ewlieni – il-Mulej sar Alla tagħna, u aħna sirna l-poplu tiegħu (Ebrej 8:10). Alla seta’ jagħtina din il-barka indeskrivibbli għaliex Ġesù kisbilna l-maħfra (Ebrej 8:12) u tana wkoll qalb ġdida (Ebrej 8:10; Eżekjel 11:19-20; 36:26-27; Ġerimija 31:33). Il-wegħda t’Alla, imwettqa fi Kristu, hi din: Jien “inqiegħed l-liġijiet tiegħi f’moħħhom u se niktibhom fi qlubhom” (Ebrej 8:10). Dan il-vers mhux qed jirreferi għall-kuxjenza, peress li kull bniedem, Kristjan jew mhux, għandu fih għarfien bejn it-tajjeb u l-ħażin. Il-liġijiet t’Alla huma miktubin fil-qalb tal-poplu t’Alla fis-sens li issa għandhom ix-xewqa li jobduhom. Mhux biss jafu x’inhu tajjeb u ħażin, imma mill-ġewwieni tagħhom jixtiequ jagħmlu t-tajjeb u jiskartaw il-ħażin. Kull Kristjan jista’ jgħid ma’ Pawlu, “Jien nitpaxxa bil-liġi t’Alla fil-bniedem ġewwieni” (Rumani 7:22). Huwa minnu li fl-esperjenza normali Kristjana jibqa’ fina l-kunflitt bejn it-tajjeb u l-ħażin, u l...

Matul din is-sena tal-Ġublew, il-Knisja Kattolika qed toffri indulġenza plenarja lil dawk li jżuru ċerti knejjes u jwettqu kundizzjonijiet speċifiċi. Filwaqt li din it-tradizzjoni għandha sinifikat għal xi wħud, ħafna Kattoliċi oħrajn ma jifhmux sew x’inhi indulġenza plenarja. Jekk inti wieħed minnhom, agħmel il-qalb —inti wkoll tista’ tirċievi l-imħabba u l-grazzja t’Alla. Għeżież ħbieb, dirgħajh Alla huma dejjem miftuħa beraħ biex iħaddan lil kull min idur lejh, f’kull ħin, mhux biss f’okkażjonijiet speċjali. Jekk tħossok mgħobbi bit-toqol ta’ dnubietek, kun af li llum huwa l-jum tal-grazzja għalik. L-Iskrittura tgħarrafna triq sabiħa u ċara għar-rikonċiljazzjoni ma’ Alla: permezz tal-indiema u l-fidi fi Kristu. Dawn huma l-uniċi passi meħtieġa biex tirċievi l-maħfra tiegħu. L-ebda tradizzjoni umana ma tista’ żżid mas-sempliċità u l-qawwa tal-istedina tiegħu. Importanti nżommu f’moħħna li l-maħfra li joffri Alla tiġi biss permezz ta’ Kristu. Is-sagrifiċċju tiegħu huwa biżżejjed, u d-...